Bram Stoker, shkrimtar irlandez, është krijuesi i romanit horror "Drakula", të botuar në vitin 1897, të shndërruar në klasik nga versionet e tij për skenë dhe ekran.
Stroker e ka kaluar fëmijërinë i sëmurë në shtrat dhe nëna e tij e argëtonte me histori me fantazma. Ai ka sjellë një interpretim origjinal të legjendës së vampirit Drakula. Edhe pse u frymëzua nga folklori dhe vepra të tjera letrare, ai i ka dhënë personazhit të tij një tërheqje të parezistueshme, duke kombinuar frikën nga vdekja me etjen për përjetësi dhe dashuri.