"Robinson Kruzo", ishte libri i parë dhe më i njohur i Daniel Defosë. Ky libër u botua në vitin 1719, kur ai ishte pothuajse 60 vjeç dhe pati një sukses të jashtëzakonshëm. Ky rrëfim tregon se si qeniet njerëzore janë të afta të kapërcejnë vështërësitë përmes përpjekjes, durimit dhe mençurisë, dhe në të njëjtën kohë na tregon nevojën që të komunikojmë dhe të jemi pjesë e shoqërisë. Përveç se ka qenë gazetar dhe shkrimtar, Daniel Defo ka qenë dhe autor i më shumë se 500 librave. Ndër romanet e tij më të njohur është "Moll Flanders". Defo ka lindur në Londër rreth vitit 1660 dhe ka vdekur në vitin 1731, pasi kishte udhëtuar gjerë e gjatë gjithë jetën.