Simptomat e progerias, sëmundjes së plakjes, fillojnë të shfaqen pas muajit të tetëmbëdhjetë. Lëkura e fëmijës rrudhet po aq sa ajo e një njeriu të plakur, kockat e tij dobësohen tej mase dhe shumica e fëmijëve të prekur nga kjo sëmundje mbesin pa flokë rreth moshës 4 vjeç. Në përgjithësi, gjatësia e trupit të tyre nuk i kalon 100 centimetrat dhe qëndrojnë në përmasat e një fëmije normal pesëvjeçar. Së bashku me fëmijët, plakjen e parakohshme e përjetojnë edhe organet e tyre të brendshme. Dhe vdekja, vjen në adoleshencën e tyre, e shoqëruar me sëmundje të zemrës apo ndonjë atak kardiak.