-Oh, lëti këto, Harri,- tha Hermiona, që e humbi durimin përnjëherësh.- Nuk është Kuidiçi që është bërë kaq i njohur, je ti! Nuk ke qenë kurrë më interesant se sot dhe, po të flasim hapur, nuk ke qenë kurrë kaq fantastik. Roni desh u mbyt me një alamet cope harengë. Hermiona i hodhi një shikim gjithë përçmim, para se të kthehej përsëri drejt Harrit.- Që të gjithë e dinë se ti na the të vërtetën , apo jo? E tëra bota e magjisë është e detyruar ta pranojë se ti kishe të drejtë në lidhje me Fluronvdekjen, që po kthehej, dhe se ti e kishe ndeshur përmjëmend dy herë në këto dy vjetët e fundit dhe i kishe shpëtuar të dyja herët. Dhe tashti po të quajnë "Njeriu i Zgjedhur"... bukur, atëherë a mund të më thuash pse njerëzit të mos ngashënjehen prej teje.